[Mary Naeem]

لما السيد المسيح كان موجود
هنا على الأرض في صورة إنسان..
مر بكل المشاعر اللي بنتعرض ليها كبشر..
سواء كانت إيجابية أو سلبية
المميز في شخصية المسيح،
إنه كان بيقدر يتحكم في مشاعره بشكل ناضج..
مكانش بيكبت مشاعره
بس كمان مكانش بيخلي مشاعره هي اللي تقوده،
لكن كان هو اللي بيقود المشاعر دي بشكل يخليه ميغلطش،
فمثلاً لما كان بيتعرض لمواقف فيها غضب..
كان بيغضب زي أي إنسان طبيعي..
لكنه كان بيقدر يسيطر على مشاعر الغضب..
ومتخليهوش يشتم أو يكره الناس اللي حواليه..
السيد المسيح مر بمشاعر حزن كتير،
وخصوصاً قبل ما يروح للصليب..
لكن حزنه لم يمنعه من إنه يتمم إرساليته..
للأسف ناس كتير مننا بتخلي مشاعرها هي اللي تقودها،
والنتيجة إنها بتخسر حاجات كتير في حياتها..
ممكن تكون خسارة ناس أو أهداف أو علاقات،
لكن عندك فرصة وانت بتقرا المقال ده
إنك تتعلم من حياة المسيح..
وتاخد قرار إنك تقود مشاعرك
وتسيطر عليها مش العكس..
لو عرفت تعمل كده،
حياتك هتفرق كتير.