[walaa farouk]

مفيش حد هينزل صورته وهو بيعاني…
وهو مضغوط، مضايق او بيعدي بوقت صعب..
عمرك شوفت حد نزل صورته وهو بيعيط ؟ وهو منهار؟ وهو حاسس بمشاعر سلبية؟
اغلب الصور بتكون لذيذة، ابتسامة لطيفة ضحكة حلوة..
ولكن دي مش كل الحقيقية.. دي مش كل الأوقات..

فاكرة في مرة نزلت كام صورة، كانت لذيذة، وتعليقات كتيرة… وأكتر تعليق شدني واتقالي في وشي "يا بختك، انتي عايشة حياتك."
والحقيقة الحمدالله الحمدالله، بس محدش عارف ولا متخيل الوقت الصعب اللي كنت بعدي بيه قبل الصورة والمناسبة دي..
ولا حد عاشه معايا، ولا حكيت عنه هما الناس القريبة اوي بس..

ف اللي عايزة اقوله..
لاء الصور مش كل حاجة ال social media
كلها كدة علي بعضها دي ولا حاجة بأمانة ..
وعمر ما حد هينزل صوره في الأوقات الصعبة، الكئيبة، التقيلة، ولا هيشاركها حتي غير مع كام واحد قريبين وبس..
زي ما في أوقات حلوة، في أوقات صعبة..
ف متصدقوش اي حاجة تشوفها..
دايماً في حاجة ناقصة في الصورة..
وفي حكاية ورا كل صورة.