[Mary Naeem]

خلي بالك من علاقاتك ....
يمكن عندك يهوذا.......

+ فيه ناس ممكن تعمل اي حاجه حتي ضدك
لمجرد انها تتقرب لناس تانيه على حسابك
• النوعية دي لو ببلاش
لا تقربي منها ولا تقربيها منك

+ و في ناس بتفضل تتعامل معاك طول الوقت على انها اقرب الناس ليك
ومع اول موقف يحصل
يعايروك ويقولولك احنا عملنالك كذا وكذا
• النوعية دي كمان ابعدي عنها

+ و في ناس بتوهمك ان قلبها عليك
وتحاول تفكر معاك ازاي تساعدك ،
وهي في الحقيقه بتستغلك وتمص دمك
كمان دول ابعدي علطول

+ وفي ناس عاشت عمر بحاله تقنعك انكم اخوات وأكتر
والصداقة اللي بينكم ،
ومع اول خبطه أداروا ضهرهم
اصدقاء مزيفين تروحي منهم فين

+ فيه ناس كدابه رغم صدقك ،
خاينه رغم اخلاصك ،
بايعه رغم انك ياما اشتريتهم ،
منافقه رغم صراحتك ،
رغم محبتك ليهم ميحبوش لك الخير
مليانين غيرة وحقد

إختاروا صح
+ بلاش تعيشوا عمركم كله تدفعوا تمن ثقة خايبه وعشم مش في محله
دي ناس تمتص طاقتكم الإيجابية
إوعوا تستسلموا ليهم

#تصبحوا_علي_خير