[Mary Naeem]

ماتزعلش من الناس علشان ماحدش فاضى لحد...
اصل الناس كلها زعلانه والكل بقا ظروفة صعبه...
الفترة دى مافيش عائلة ماخرجش منها ميت واتنين وتلاته ......
مافيش بيت ما جلوش المرض والخوف والقلق .....
مافيش شارع مدخلتهوش عربيات الاسعاف...
وصحيتنا من النوم مخضوضين على جيرانا وحبايبنا..
اللى كان بيكسب 10 ج . انهاردة بيكسب جنية بالعافية ....
مين فى الجو دا هايقدر يطبطب على حد او يراضى حد....
الكل بقا جواه مليون جرح مهما كان قوى ،ومش الكل بيعرف يشتكى زيك، مش الكل بيعرف يطلب المساعده.....
فى ناس بتموت فى صمت بدون دوشة ولا تذمر ..
دا اللى بيضحك دلوقتى بيضحك غلطه او صدفة
الفترة دى كلنا محتاجين لحاجة واحدة بس
هى رحمه ربنا
نطلب رحمه من ربنا لكل البشر، لكل الجيران، لكل الاصدقاء ،لكل الاقارب ....
ماتزعلش لو مالقتش حد يقف جنبك ،احنا حقيقى فى فترة الكل مش قادر يقف على رجلية علشان يقدر يساعدك .....
مش وقت قمصه او زعلة او خصام ،مش وقت تصغير الدماغ والتلاكيك ....
اطلبوا رحمه ربنا للكل