[walaa farouk]

ربنا يدينا كلنا طول العمر، عشان نحكي للأجيال اللي بعدنا، وولادنا عن:😘
بطريرك بيقدم وقته وصحته ومجهوده كله لأجل الكنيسة.
بطريرك اكتشف إن الشباب بيروحوا من الكنيسة، فا قرر إنه يجيبهم متناسيًا أي اتهامات.
بطريرك بيخصص وقت كبير لشعبه، من مقابلات، ومن اجتماعات، ومن مناقشات.
بطريرك حط الشباب رقم واحد، فا حطلهم اسبوع كامل، سايب كل حاجة وقاعد معاهم، بيتمشى معاهم، وياكل وياهم، ويكتسب منهم طاقة شبابهم.
بطريرك قرر إنه هيبقى أب للكل، هيبقى أب للي بيحب الفن فا عمل مسرحيات وعروض، أب للي بيحب القراءة فا عمل مكتبة فيها كل الكتب، أب للي بيحب البحث فا عمل مسابقات وأبحاث، أب للي بيحب الرياضة فا عمل أيام رياضية ومؤتمرات وخدمات.
بطريرك واجه الكثير من المتاعب، لدرجة إنهم بقوا بيشككوا في القرعة وبيشككوا في أرثوذكسيته، وهو بيقابل ده كله بمزيد من العمل والنشاط.
بطريرك خصص وقت لمقابلة شباب في المقر البابوي، مش عشان حاجة، عشان بس هما كان نفسهم يقابلوه، واتفاجئوا بإنهم قدام قوة وطيبة وحكمة لا مثيل لها.
بطريرك لما بيسمع حاجة جديدة من شخص متخصص بيقعد يسمع ويفهم ويركز.
ربنا يخليك للكل يا أبونا، ربنا يخليك لأنك دايما حاطط مصلحة ولادك وبناتك قدامك.
وأنا أرجو من كل شخص تعامل مع هذا الرجل معاملة سطحية أو شخصية، إنه يصليله لأجل إن ربنا يحافظ عليه ويبعد عنه الشر.