[walaa farouk]

و انت بتحب الناس حاول تكون حريص،
إن محبتك ليهم متصنعش منهم ناس انانيين!!
و أنا شايفة إن ده بيجي بإعلان حقوقك في العلاقة،
وإعلان الحدود.. حتي لو هتعلن حقوقك
وهتتنازل عنها بكامل إرادتك بدافع المحبة
"بإختيار وليس عن اضطرار"..
المحبة مش ضد إعلان الحق، الله كلي المحبة والرحمة،
وكمان كُلي الحق والعدل.
- مجرد إعلانك لحقوقك برفق و بروح المحبة،
بيوصل رسالة لـ اللي حواليك وبتقولهم إنكم مش عايشين لوحدكم
والحياة مش ليكم إنتوا بس،
و إن المحبة هي إنك تخرج بره ذاتك للأخر.
و بتقوله إنت مش لوحدك في العلاقة،
لازم تتعلم تحترم اللي بتستقبله من الطرف التاني وتقدره.
"إحنا لما بنحب كل اللي بنحتاجه نحس إننا مقدرين بس،
بنحب نحس إن فيض المحبة اللي خارج ده
رايح في مكان صح مكان محتاجه ومقدر قيمته، مكان بيفهم معني البذل
و إلا تبقي بتهدر كم الحب ده و بتسكب لبن علي تراب! "
- قدروا بعض يا جماعة، متستهونوش بمحبة القريبين ليكم،
كلنا محتاجين نتحب مهما كنا بنفيض حب..
- بلاش تاخدوا كل اللي في قلب الناس ليكم بعد كده تديهم بواقي حبكم!
وبعد ما تطمنوا انهم بيحبوكم، محبتكم ليهم تطفي..
بلاش تدوسوا علي اللي بيحبوكم من غير شروط..
علشان بيتوجعوا اوي لما بيقدموا كل حاجة ويتداس عليهم!
- مترحوش تحبوا وتهتموا اكتر باللي مقدموش ليكم حاجة
وتستنوا تنولوا رضاهم،
واللي حبوكم من قلوبهم بجد تستهتروا بيهم وتستنزفوهم.
بلاش تحسسوهم ان محبتهم ليكم كإنها واجب عليهم!