[walaa farouk]

هي الخدمة بقيت أيه بالظبط؟ 😑
يعني معلش بقت نيشان! ولا بقت شرف !🏅
ولا بقت التطور الطبيعي للي يآمن بالمسيح!
ليه بقى في سعي للخدمة والظهور وعمل أمور يتصقفلها؟👏
الموضوع بقى يدعوا للدهشة بصراحة 😮
تعالى كدة معايا أتفرج على يسوع في "يوحنا ١٣" وهو بيقول تعريف الخدمة ومفهومها للتلاميذ
بس من غير ما يوعظ ولا يقول ولا كلمة
فاكرين عمل أيه؟
فاكرين الطشت والفوطة 🧺
فاكرين أزاي نضف رجلين في منتهى القذارة
فاكرين أزاي أنحنى تحت رجليهم 👣
فاكرين الوقت إللي قضاه خدام ليهم♥️
الحقيقة التلاميذ اتصدموا وأنا كمان كل مرة أركز في المشهد بتعبيرات معاصرة زي إللي فوق كدة برضه بتصدم😧
وصدمتي الأكبر أن المسيح قال كدة بالحرف أنه زي ما أنا عملت معاكم كدة لازم أنتوا تخدموا بعض بنفس الطريقة دي!

أيه الخدمة دي 🤦
دي مش شرف خالص ده شغل "خدامين"
بالظبط كدة هو ده التعبير الأدق الحقيقة إللي المفروض نستخدمه "خدام" مش "خادم" 🙊
عايز أشجعك الوقت الجاي تغير جواك كلمة خادم بكلمة خدام
عارف أن الكلمة وقعها صعب وسئ وممكن يزعل ناس كتير 😕
عارف أنه بوست مش لذيذ ومش هيلاقي إعجاب كتير
لكن بصراحة هو ده اللي المفروض يكون موجود
إللي استبدلناه بواقع مؤلم الكل فيه بيدور يكون في الصورة موجود🏅