[مورا مرمر]

اهلا بيكم اعزائى المشاهدين
اهلا بيكم
فى حلقة جديدة من
برنامج
فى حب والدة الاله
كل سنة وحضراتكم طيبين وبخير

اول فقرة معانا هى تأمل
تابعواااا

2) دَائِمَة البَتُولِيَّة :-
السِتْ العَذْرَاء :-
كُلِّنَا عَارْفِينْ إِنْ السِتْ العَذْرَاء إِنَّهَا دَائِمَة البَتُولِيَّة .. إِنْ إِبْنَهَا رَبِّنَا يَسُوع الْمَسِيح خَرَج مِنْ أحْشَائْهَا وَهيَ عَذْرَاء بِبَكُورِيَّة – زَي مَا نِقُول فِي مَدِيح العُلِّيقَة – وَزَي مَا قَالْ عَنْهَا حَزْقِيَال النَّبِي ï´؟ هذَا الْبَابُ يَكُونُ مُغْلَقاً لاَ يُفْتَحُ وَلاَ يَدْخُلُ مِنْهُ إِنْسَانٌ لأَِنَّ الرَّبَّ إِلهَ إِسْرَائِيل دَخَلَ مِنْهُ فَيَكُونُ مُغْلَقاً ï´¾( حز 44 : 2 ؛ لُبْش الأرْبَعَاء ) .. السِتْ العَذْرَاء دَائِمَة البَتُولِيَّة لَمْ تَعْرِفْ رَجُل فِي حَيَاتْهَا السِتْ العَذْرَاء كَانَتْ عَذْرَاء عَفِيفَة لِلْمَسِيح يَسُوع .. نَفْس مُكَرَّسَة لله طُول حَيَاتْهَا .. السِتْ العَذْرَاء لَمْ يَكُنْ لَهَا أحَدٌ وَلَمْ يَكُنْ لَهَا سَنَدْ فِي هذَا العَالَمْ إِلاَّ إِبْنَهَا يَسُوع الْمَسِيح .. عَلَشَانْ كِدَه إِحْنَا نِقُول لَهَا ï´؟ أنْتِ هِيَ الزَّهْرَة النَيِرَة غَيْر المُتَغَيِرَة وَالأُم البَاقِيَة عَذِْرَاء ï´¾ ( مَا يَقُولُه المُصَلِّي فِي القِطْعَة الثَّالِثَة مِنْ صَلاَة بَاكِر ) .. عُمْر مَا تُبْقَى فِي أُم وَتُبْقَى عَذْرَاء لكِنْ إِحْنَا نِكَلِّمْ السِتْ العَذْرَاء وَنَقُول لَهَاï´؟ الأُم البَاقِيَة عَذِْرَاء ï´¾ .. عَلَشَانْ كِدَه نِسَبِّح لِلسِتْ العَذْرَاء وَنَقُول لَهَا ** أُم وَعَذْرَاء ** مَفِيش حَاجَة إِسْمَهَا أُم وَعَذْرَاء إِمَّا أُم أوْ عَذْرَاء .. لكِنْ السِتْ العَذْرَاء جَمَعِتْ الإِثْنِينْ أُم وَعَذْرَاء تِجْمَع الأُمومَة مَعَ البَتُولِيَّة .. – دِي السِتْ العَذْرَاء – السِتْ العَذْرَاء دَائِمَة البَتُولِيَّة .. يَعْنِي نِقْدَر نِقُول إِنْ حَمْلَهَا وَوِلاَدِتْهَا بِطَرِيقَة إِعْجَازِيَّة .. بَتُولِيِتْهَا مَخْتُومَة .. البَاب بِتَاعْهَا بَاب مُغْلَقٌ .. أُم غِير مُتَغَيِرَة .

الفقرة التانية
ترنيمة

الفقرة التالتة
مين فينا مطلبش العدرا قبل كدا ..مواقف صعبة كتيرة بنعدى فيها وشفاعتها بتسندنا وبترفعنا فوق كل صعب وانهارده اخترت واحدة مميزة جدا معانا تحكيلنا عنها وعن تفاصيل العلاقة اللى مابينها وبين العدرا وهى
(مدام ولاء فاروق )
اهلا بيك ي لولو
منورانااااا ومبسوطين انك معانا ف حلقة انهارده

-احكيلى ي ولاء ايه اصعب موقف عديت فيه وحسيتى فيه ان العدرا كانت معاكى ؟!

* موقف اتظلمت فيه لكن كنت حاسة ان ايديه بتطبطب عليا


- قوليلى ايه طبيعة علاقتك بالعدرا صديقة ..ام ..اخت كدا يعنى ؟!

* العدرا امى وحبيبة قلبى

-موقف عمرك مهتنسيه عملته العدرا معاك ؟!

* الحقيقة المواقف كتير هى دايما بتسندنى


- حابة انك تشاركى معانا باى حاجة للعدرا يعنى ترنيمة..تأمل..معجزة .....؟!

* احب اشارك معاكوا بترنيمة رشوا الورد يا صبايا

-قوليلنا ايه اكتر صفة فى العدرا ونفسك تكون عندك ؟

* نفسى اكون هادية ومتضعة زيها

- اوصفى العدرا بالنسبالك فى كلمة ؟!

* امى الغالية

-ايه اكتر كنيسة للعدرا بتحبى تروحيها ؟!

* العذراء العزباوية

- طلبة نفسك العدرا تحققهالك ؟!

* نفسى تقف جنبى ومعايا طول حياتى وساعة مماتى


شكرا ليكى ي ولاء استمتعنا معاكى بجد
والى اللقاء فى حلقة جديدة