[Mary Naeem]

++ العذراء كانت تحب (( الهدوء ))
ولا تحب (( الظهور ))

++ تيجي تدور عليها فى صورة
(( ميلاد يوحنا ))
ماتلاقيهاش في الصورة
+ أصلها خدمت ف هدوء
ومشيت قبل الهيصة ..!

+ تيجي تدور عليها في صورة
(( عرس قانا الجليل ))
ماتلاقيهاش ف الصورة ..!!
+ أصلها كانت جوه بتخدم
فى المطبخ ..!

+ تيجي تدور عليها فى صور
(( العزايم الكبيرة ))
اللي اتعملت لإبنها ورغم إنها أمه
+ لكن برضه ماتلاقيهاش فى الصورة
أصلها كانت تحفظ في قلبها
إنه جه لكل البشرية ..!

+ 30 سنة عاشت معاه لوحدها .
ورغم إن الإله إبنها ..
ما قالتش حكاياتها معاه ..
ولا افتخرت معاه بصورة ..!!

++ (( الصورالوحيدة ))
اللي اتلقطت ليها
كانت ليها (( الميلاد ))(( تحت الصليب )) ..!!
+ وقت الهروب ووقت ما الكل خاف واتخلى وباع ..!!

+ حست بيه كإبنها المصلوب
فجاز السيف في قلبها
وحست بينا كأولاد جنسها
فشهدت بفرحنا بالخلاص ..!

+ السلام لكِ يا أم الإله
الشفيعة الأمينة لجنس البشرية .!