[Mary Naeem]

"لا يمكن افطر صيام العدرا "

معجزة_رائعة تحكلنا :
كان فيه واحدة ست في الصعيد جالها انفصال شبكي وعميت وراحت لدكاترة كتير قالو مفيش فايدة
وفي يوم قالو ان فيه دكتور جاي من لندن شاطر اوي فلما راحتله قالها انا ممكن اعمل العملية لكن نسبة نجاحها ضعيفة جدا حوالي 1٪ .. ولازم تشرب لبن وكان اول صيام العدرا فقالت انا لايمكن افطر صيام العدرا خليها بعد الصيام ؛؛ فقالها لا انا هسافر ومش هكون موجود !!
اهلها قالولها افطري ، العدرا مش هتزعل وعنفوها كتير قالت لايمكن افطر..
وكان الجو حر فطلعت السطح في الهواء ونامت والساعة 2 بالليل سمعوها بتزغرط وتمدح العدرا
جريو عليها فقالت جاتلي ست قالتلي مالك زعلانة ومعيطة ليه فحكتلها فالست قالتلها خلاص متزعليش انا هحطلك كحل في عنيكي وهتبقي كويسة ويعني لو فطرتي العدرا مش هتزعل منك ..
قالتلها ياختي انا ناقصاكي انتي كمان مش كفاية عيلتي بيضغطو عليا
وهي بتحطلها الكحل بصت لقتها الست العدرا .. فرشمت الصليب وقالتلها سامحيني يا عدرا انا مكنتش عارفة انك انتي
قالتلها ام النور انا مش ممكن ازعل منك ابدا وانتي صعبتي عليا فاتشفعت لأبني الحبيب وهو امر بشفاكي.
تاني يوم راحت للدكتور فقاللهم هو انا مش لسه كاشف عليها امبارح فقالولو لا دي اختها التؤام فكشف وقاللهم كل حاجة في عنيها كويسة جدا ونظرها 6/6
كمان الغلبانة اختها بتاعت امبارح هي اللي عينها تعبانه قالتلو انا بتاعت امبارح ففوجئ وقال مبروك دي معجزة عمليتك كانت استحالة تنجح !!
وانا لا يمكن اقول لاي مريض تاني افطر صيام العذراء مريم..
بركة وشفاعة امنا العذراء مريم مع جميعنا اميين ..