منتدى الفرح المسيحى - عرض مشاركة واحدة

Mary Naeem · رقم المشاركة : ( 1 ) 02 - 08 - 2021, 06:25 PM

*" مـش مـسـتـاهـلـة

مش مستاهلة غل و حقد و كره و خبث و ادانة و عدم محبة

كلنا هنمشي من الدنيا ..

كل الزحمة اللي في حياتنا هتنتهي ..

كل خناق و صوت عالي مش هيبقي موجود ..

كل حاجة بنفكر فيها و زعلانين عليها هتبقي وهم ..

كل حاجة ضيعنا فيها وقت هتبقي معدومة..

كل كره و كل حقد وكل بغضة و كل جرح و كل كلمة صعبة هتتبخر ..

كل جمال و شهوة هتبقي سراب ..

يوم ما تطلع الروح من الجسد
كل ده اللى في الأرض هتعرف أنه تافه .

خناقاتك
مواقفك اللي مش عاوز تغيرها ،
هتعرف وقتها أن كل ده تافه .

اللي هيبقي موجود هو أنا زرعت إيه جوة قلوب الناس .

في لحظة و الدنيا هادئة
لو فكرت فى كل ده هتعرف إن الحياة :

مش مستاهلة خناق ..

مش مستاهلة كره ..

مش مستاهلة بعد و جفا و قسوة.

أعمل كل حاجة تخليك جوة قلوب الناس :

الشخص اللي كانوا يشوفوه يرتاحوا ..

الشخص اللي كل واحد نفسه يعرف ربنا يعرفه من خلاله ..

أخرج من كل زحمة هتخسرك عمرك قبل ما تخسرك اللي حواليك ..

إحنا هنا في الموضع اللي كله حزن و كأبة و تنهد و ضجيج ..

عيش علشان تبقى سبب راحة ، علشان لما الروح تخرج من الجسد ترتاح فى الموضع الذى هرب منه الحزن و الكأبة و التنهد فى نور القديسين .
*يـارب خـلـيـنـي اتـنـفـس الـسـمـاء و أنا عـلـي الأرض لأنـهـا مـش مـسـتـاهـلـة* ...