[walaa farouk]

الألم علّمني...
إني ممكن أعيش باحتياجاتي غير مسدّدة وأفضل فرحان، لأن السر في وجود الرب معايا مش في الظروف اللي حواليا.
الألم علّمني..
إن الله مواعيده أحكم من مواعيدي، وقلب الله أحن عليّ مني. هو عارف امتى يسكت وامتى يسند، وفي الحالتين روحي بتكبر وتتشبّه بيه أكتر.
الألم علّمني..
إن وعود الناس بتتغيّر ومواقفهم مش ثابتة طول الوقت، وإن الثابت الوحيد في حياتي هو الله بس.
الألم علمني ..
انه زي ما أيوب خسر واتوجّع، الله عوّضه في النهاية أضعاف، هانتظر الله في عمق الألم، وأنا أثق إني لا أخزى.