[Mary Naeem]

إنك تكونى راكبة ميكروباص جنب جوزك اللى بيحبك و بيعاملك حلو ،
أحسن من إنك تكونى راكبة العربية الملاكى جنب جوزك اللى بيزعقلك او بيهينك او متجاهلك ..

الشقة الايجار اللى مليانة حب ، أحسن من الشقة التمليك اللى مليانة نكد و خناق ..

كوباية عصير القصب اللى بتتشرب مع ضحكة من القلب ، أحسن من كل مشروبات المنيو فى الكافيه المشهور اللى طعمها مليان مرارة الكلام اللى بيسم بدنك ..

طبعا الأحسن ، إن ربنا يرزقنا سعة الرزق مع سكينة القلب ..

لكن فى نهاية الأمر ، إنتى كـ بنت لازم تكونى متأكدة إن الشخص أهم من فلوسه ، و إن الفلوس ممكن تيجى ، لكن التفاهم و الحب و الاحترام سلعة غالية جدا âپ¦
احسنوا الاختيار