[walaa farouk]

اول ما الساعة تيجي ٣ ( الفجر )
الباب يتفتح
و نسمع ابونا كيرلس البرموسي ( انبا مكاريوس الان )
بصوته الرخيم
" صباح الخير، التسبحة .. "
و كان ديما يتبسط مِن اللي " يُنطر" الغطا برجله
نقوم علي نور الكشافات ام بطرية " طبعا ماكنش في smartphone بكشاف
نغسل وشنا
و نسيب بيت الخلوة
و نمشي علي نور الكشاف إياه
و اول ما نخش من باب الدير الأثري نشوف الطريق ده 👇
و الاجمل بقي و انت ماشي فيه تسمع صوت ملائكي
( لو انت صاحي بدري هاتسمعهم من بره بيصللوا صلاة نص الليل و لو اتاخرت شويه هاتسمعهم في الهوس الاول من التسبحة )
ندخل الكنيسة منورة بالشموع و الكلوبات
نسجد ونصلي و نقف في مكننا ( الخورس التاني)
و يطير الوقت بين:
لحن بنحبه
منظر شيخ عجوز متسند علي عصايته
راهب حافظ التسبحة عن ظهر قلب
أو اخ لابس ابيض مستني يوم رسامته
ندخل نص صاحيين و نطلع فايقين
ندخل في الضلمة و نطلع في النور
ندخل لوحدنا و نطلع بالمسيح
دير البرموس