عرض مشاركة واحدة
  رقم المشاركة : ( 1 )  
قديم 01 - 07 - 2021, 09:26 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 383,715

ح تلاقي ربنا رمي لك الفكرة

قريت قصة موسي و المياه المُرة ؟؟

فصرخ إلى الرب. فأراه الرب شجرة فطرحها في الماء فصار الماء عذبا (خروج ١٥: ٢٥) ..

كانت الشجرة موجودة وسط شجر كتير ، بس لا كان شايفها و لا كان عارف ان الحل فيها ..

و دي طريقة ربنا .. لما تقصده وقت زنقتك يجيب لك الحل قدامك من حيث لا تدري ..

خناقة و ما لهاش حل ، و بعد التلاسن و الغضب و الحماقة
، ربنا يلهمك بكلام ود و احترام كله حلاوة ، تقتل الشر و تطفي نار الخلاف .
. و تقول لنفسك : ما الكلام الحلو اهو حل الموضوع
و كان الحل بين ايدي بس انا اللي ما كنتش عارف قيمته ..


مشكلة مع حد مضايقك ، و مش عارفلها مخرج ، و الباب مغلق ..
يقوم ربنا يوريك باب تاني كان قدام عينيك و مش داري بيه ، و يغير اتجاهك ،
تلاقي سكة اتفتحت ما فيش اجمل منها ..

باب مقفول و مالوش مفتاح ، تلاقي ربنا وراك باب تاني : رزق من مصدر تاني
، شغلانة بدل اللي راحت، واحد مش متوقعه يقف جنبك ،
حد يسعدك و يسندك بدل اللي اتخلي عنك ..


المهم فيه شجرة ربنا شايلهالك ح تحلي لك مرار المية و تروي عطشك..

اللي ناقصنا "صلاة الصراخ " زي موسي ، صلاة المضطر زي داود (مزمور ١٠٢)
، و ايمان حقيقي أن الله "ح يوريني الحل" ..

و ح تلاقي ربنا رمي لك الفكرة في عقلك و معاها للمخرج و المنفذ ..
رد مع اقتباس