[walaa farouk]

في بستان الرهبان
بيقول ان أنبا موسي فى بدايه جهاده
تعب من حرب الشياطين غالباً كانت حرب شهوه وراح لقلايه انبا ايسذورس اكتر من 12مره فى يوم واحد وكل مره أبوه الروحى يقوله "جاهد واطلب معونه الله" ويصرفه يلاقى انبا موسي رجع تانى ويقوله تعبان يا أبي ومش قادر ..

فاخذه انبا ايسيذروس وأراه السما ناحيه الغرب وقاله شايف إيه
فقاله (رؤيه عقليه) شايف شياطين كتير واقفه على باب مغارتى وبترسل سهامها وبتصرخ بجنون.
فقاله انظر الى الشرق فرأى ملايكه بتسبح واخرى بتستعد لمحاربه الشياطين (بالمنظر المعقول)

فقاله مين اكتر ياموسي ؟
فرد عليه الملايكه اكتر واقوى!
فتحنن عليه وحضنه وقاله انزل قلايتك وأتعزى بالمنظر اللى انت شوفته 💕

موسي أحب الله اكتر من ذاته فاستحق مسانده السما لجهاده، لكن كان نفسه طويل اوى اوى ومش بتصعب عليه نفسه لما يسقط ويقع وده اللى بسببه الشياطين كانت بتترعب منه لانه مش بييأس ابدا واصبح اسمه قاهر الشياطين.

انبا ايسيذورس كان مليان من نعمه الابوه والحب ومصدق دايما ان نار الحب والتوبه اقوى من الخطيه واثارها وكان نفسه طويل اوى اوى واحتمل ضعفات وأهاات موسي الاسود
أحنا جيل نفسه قصيرر اوى اوى اوى
اكسيوس بيجورى افا موسي♥️🙏🏻
👑 تذكار استشهاد القديس القوي الأنبا موسي