[walaa farouk]

بحكم الحياة والتجارب اكتشفت ان الانتقام بيتلخص في كلمة واحدة
امشي" ... آه امشي ... امشي ومتبصش تاني وراك متحاولش تاخد حقك
لأنك ساعتها هتبقى غضبان و الغضب أحمق و أعمى و قليل الحيلة
و كل متحاول تعمل حاجة هتلاقي نفسك بتغوص في الوحل أكتر والنار بتزيد هتلاقي نفسك
مبتشبعش الكلام مفعوله مؤقت و تأثيره لما بيروح الغضب بيبقى الضعف و الأذية
مش هتعوضك جرحك الأذية مبتهونش الإحساس بالقهر
متقولش و لا كلمة و امشي ... امشي ... سيب كل حاجة و امشي ....
امشي زي ولاد الناس و الأصول ... امشي و استعوض ربنا في اللي فات
حول طاقة الغضب ليك حولها لبداية بداية نجاح ... بداية تغيير ... بداية سعادة
... انتقم بالنسيان و السعادة ...
#بس_كده ؟!!
#خلاص_كده ؟!!
لا ... حقك اللي أنت سبته و مشيت ... هيجيلك على حياة عينك .... بشياكة
... هيجيلك بعد ما تكون هديت و نسيت و شفيت ...
هيجيلك و تسمعها و تشوفها ... و هتبتسم ... و هتكمل ....
مفيش انتقام" .... فيه "#عدل_السماء" ...
فيه_دروس ...
متضيعش وقتك في "رد اعتبار" ...
رد اعتبارك الوحيد و الصح أنك تستمر ...
أي محاولة لإثبات الشيء دليل على ضعف موقفك ....
الاستمرارية هي النجاح ...
الاستمرارية هي أساس الكون كله .