[souad jaalouk]

لكل يوم زوّادة: عمرو رسالتكون حجر حجر

في حكمة حلوة كتير بتقول: "السيرة الحسنة كشجرة الزيتون...لا تنمو سريعاً ، و لكنها تعيش طويلاً!"
أهيَن شي الناس بتعملو انها تضوّي على اغلاط غيرا و الخبريّة من هالنوع بتنتشر كتير بسرعة، بس انّك تكون منيح ما حدا بيتذكّر هالشي و اذا حدا تذكّر ما بتوصل هالمعلومة لكتار. اكيد مش الهدف كيف تصير مشهور بس الفكرة كيف عِنّا ميل ننقل و نوزّع الإشيا البشعة! يسوع مشي مسافات طويلة و الرسل من بعدو تا يبشرو و ينشرو كلمة الله و هالشي ما كان سهل ابدا و اكتريّة الرسل انتهت مسيرتن بالشهادة اللي هيّي دليل انّو الناس صعب عليها تتقبّل الحقيقة! كونو شجر زيتون، عمرو رسالتكن حجر حجر و إلّا ما توصل شي يوم و مطرح ما رح توصل كونو اكيدين انها رح تعلِّم و تترك اثر!