[walaa farouk]

خيمةالاجتماع😍شرح مبسط جدااا لأبونا داود لمعى


⛪خيمه الاجتماع هى عباره عن سور معمول من القماش و فى عواميد موصله ببعض بالبوص ...
الفسحايه اللى برا دى اسمها ( الدار الخارجيه ) و اللى جوا متغطى دا اسمه ( المسكن) و المسكن ده عباره عن اوضتين (تلتين و تلت) اسمهم (القدس و قدس الاقداس)
الدار الخارجيه ( الفسحايه اللى برا دى ) فيها حاجتين
✝👈1 :- مذبح المحرقه :- عباره عن مذبح يعنى ترابيزه كبيره ضخمه ممكن يتقدم عليها اكثر من ذبيحه ( عدد اركانه 4 تشير الى الاربعة اناجيل ) و ارتفاعه 3 أذرع تشير الى الثالوث القدوس
✝👈2 :- المرحضه :- هى ( اللى ابونا بيغسل ايده فيها حاليا ) و هى اشاره للمعموديه .و هنا نتذكر ان الذى يدخل مقدس الله لابد ان يمر على المذبح ( الدم ) ثم المرحضه ( الماء ) و قد سال من جنب المسيح دما و ماءا فداءا لنا و تطهيرا من خطايانا .
ندخل على الاوضتين اللى جوا المسكن ( القدس و قدس الاقداس )
✝✝✝👑#أولا_القدس أول ما ندخل القدس كله دهب بقا
✝👈1 :- المناره الذهبيه
✝👈2:- مائده خبر الوجوه :- يوضع ع المائده 12 رغيف اشاره الى الاسباط ال 12
✝👈3 :- مذبح البخور :- كان مصنوع من الخشب مغطى بالذهب له 4 قرون
ف الحجاب ( الحجاب دا اللى بيفصل الناس عن القدس )
✝✝✝👑#ثانيا_قدس_الأقداس دى اوضه ضيقه جوا مفيهاش غير
تابوت العهد الذى صنع من الذهب الخالص من الداخل و الخارج و اشاره الى السيد المسيح و .....
✝👈1 :- لوحا الشهاده :- هما اللوحان اللذان عليهما الوصايا العشر
✝👈2 :- عصا هارون :- أمر الرب موسى ان تحفظ هذه العصا فى التابوت شهاده أبديه على هذا الشعب الغليظ الرقبه الذى كثيرا ما تمرد على الله .
✝👈3 :- قسط المن :- الوعاء الذهبى الذى حفظ فيه المن أما القسط فيرمز الى السيده العذراء مريم التى حل فى احشائها المن السماوى ربنا يسوع المسيح
📖👌