20 - 06 - 2021, 08:58 PM
|
|
|
|
..::| الإدارة العامة |::..
|
|
|
|
|
|
جربي تحضني ابنك و انت لسه مقوماه ينام بالعافية علشان معاد النوم جه 😠😠
او لما تقوميه بالعافية من على الإلكترونيات علشان وقتها خلص 🤨🤨
او تخليه يقوم يبدأ واجباته علشان معاد الواجبات جه 😡😡
نفذي كلمتك اللي فيها مصلحته و قوانين البيت وبعدها احضنيه .. حضن و بس منغير كلام ♥️♥️
حتلاقي حالة راحة نفسية عندك و عنده رائعة 🥰
بدل العادة السيئة بتاعتنا : نعاقبهم و ننيمهم زعلانين و بعدها نقعد نعيط و نتأسف لهم و هم نايمين .
. اللي هو محدش استفاد حاجة😏😏
أو من كتر ضغط الموقف عليكي تتنازلي و تكسري القوانين و تسيبيه براحته ..
و تشوفي تنفيذك للقواعد و النظام في البيت على انه قسوة و حاجة مفسدة لعلاقتك بولادك 😪😪
الحضن ده بيخرجنا من الأزمة دي : بيطمن ابنك إنك بتحبيه حتى و انتي زعلانة منه 🧡
بيكسر حاجز الغيظ المتبادل اللي بينكم بسبب الشد 💛
بيريحك من تأنيب الضمير اللي بيلخبطك : مع انك مش عاملة غير الصح بس زعل ابنك بيزعلك 💙
بينهي الموقف بشياكة و حب ❤️❤️
|