[walaa farouk]

22 وَفِي أَحَدِ الأَيَّامِ دَخَلَ سَفِينَةً هُوَ وَتَلاَمِيذُهُ، فَقَالَ لَهُمْ:«لِنَعْبُرْ إِلَى عَبْرِ الْبُحَيْرَةِ». فَأَقْلَعُوا. 23 وَفِيمَا هُمْ سَائِرُونَ نَامَ. فَنَزَلَ نَوْءُ رِيحٍ فِي الْبُحَيْرَةِ، وَكَانُوا يَمْتَلِئُونَ مَاءً وَصَارُوا فِي خَطَرٍ. 24 فَتَقَدَّمُوا وَأَيْقَظُوهُ قَائِلِينَ:«يَا مُعَلِّمُ، يَا مُعَلِّمُ، إِنَّنَا نَهْلِكُ!». فَقَامَ وَانْتَهَرَ الرِّيحَ وَتَمَوُّجَ الْمَاءِ، فَانْتَهَيَا وَصَارَ هُدُوُّ. 25 ثُمَّ قَالَ لَهُمْ:«أَيْنَ إِيمَانُكُمْ؟» فَخَافُوا وَتَعَجَّبُوا قَائِلِينَ فِيمَا بَيْنَهُمْ: «مَنْ هُوَ هذَا؟ فَإِنَّهُ يَأْمُرُ الرِّيَاحَ أَيْضًا وَالْمَاءَ فَتُطِيعُهُ!». (عدد 22-25).
تلات حاجات تطمنك
الاولى ..طالما هو اللى قالك تعبر البحيرة ماتعولش هم لا ريح و لا موج و حط خط تحت الريح و الموج ..اى ريح و اى موج ....مشاكل ..حرمان ..جوع ..تخلى..ظلم..
ضيق يد..صحة ملخبطة ..خطية تقيلة .. وبا .. حط براحتك ..هو العالم بميته المالحة فيه ايه يعنى غير كده ..و لا تعول هم مركبك اللى على قدها ما هو مش راكبين تايتنك😂 ده حتة مركبةخشب في الاخر وشراع ..
التانية ..أوع تفتكره نايم يعنى فيه تخلى أو مش واخد باله ..بقى يعنى حيبقي المركب بيرزع و بيتهبد و هو نايم ..اكيد لا ..ده المزمور يقول "إِنَّهُ لاَ يَنْعَسُ وَلاَ يَنَامُ حَافِظُ إِسْرَائِيلَ."..ده يظلل عليك بالنهار ماتحرقكش الشمس و لا القمر بالليل ..و هو فيه قمر يحرق ؟!..لا يقصد بحروق الشمس التجارب المادية اللى تخص الجسد ..و القمر ..النفس المكسورة و اللى مكتئبة و اللى راحت بهجتها ماهو قاله رد لى بهجة خلاصى ..بهجة ..ما هو السقوط و الفشل و الحرمان و الجوع وراه نفس حزينة راحت فرحتها
التالتة ..كلمة منه تحل ..فخليك ماسك في ايمانك طالما هو اللى قالك عدى البحيرة و طالما في السفينة . يعنى حتغرق و هو فيها ؟! اين ايمانكم ؟! ..خد بالك من تعجب التلاميذ ..قالوا من هو هذا ؟! ده ايه ربنا ده ..فإنه بأمر الرياح ايضا و الماء فتطيعه ...خدت بالك من أيضا 😊 ..أيضا دى معناها أنه بيعمل حاجات كتير و قادر اوى على حاجات اكتر ..أيضا معناها شافوا و خزنوا في قلبهم و بيكملوا في المجد ..ما هو شافوه بيشفي و بيخرج شياطين و سلطان على سمك البحر ..ده ربنا ده ما فيش حاجة تعصي عليه ..اعرف قوة الهك و اسم يسوع اللى بتقوله ..
اتاكد بس أنه هو اللى قالك اعبر البحيرة و أنه في السفينة .و باااااااس ..و اعلى ما في خيل العالم يركبه ...و كل يوم حتقول ..و ايضا ..و ايضا . .