[walaa farouk]

فى كل مره كنت بصحى الصبح افتكر كم الحاجات التافه.. الممله..الغير مجديه للبشريه اللى مفروض اعملها كنت بتقفل ..واتمنى لو نجرى اليوم على امل ان يكون لنا لقاء بالاعمال العظيمه فى صباح يوما ما
بس سالت نفسى فى صباح رايق😊
ايه اللى مستنياه فى يومى يشجعنى اقوم واجرى عليه!!
هل مستنيه يقولولى يلا نجوب العالم ونرد كثيرين لحظيرة المسيح...!!
او يلا تعالى شمرى وساعدينا لوقف الحرب ونشر مبادئ السلام والمحبه فى العالم؟؟
اومحتاجينك فى حملة كونيه لوعى واقناع البشريه بقبول ومحبة بعضهم بدون شروط؟؟
الاسئلة برغم انها هزليه الا ان استغرابى منها مش منطقى
بس الحقيقى ان العالم بيتغير بالاستمرار فى عمل التفاصيل الممله ..المتعبه..واللى يبدو انها ملهاش نفع
الاشخاص المبهرين مهماش ناس اتولدوا باوبشن زياده هما بقيوا مبهرين لما كملوا يعملوا العادى ..والسخيف ومشيوا فيه لمنتهاه
الكتاب بيقول
"اما ثروة الانسان الكريمه فهى الاجتهاد"
كل السكك اللى البشريه قطعتها علشان توصل لاى حاجه ..كان كنزها لا فى الوصول ..ولا فى الرحله
لكن فى المهاره اللى كسبتها فى الرحله..."الاجتهاد"
واتاكدى لما هيعدى العمر وتبصى لعضمك اللى نشف ..ونفسيتك اللى اتقوت ..ونضجت
ساعتها بس هتعرفى ان اعمالك اليوميه التافهه
كانت عربون لاعمالك العظيمه المنتظره