[walaa farouk]

ماما الحكيمة❤️
وحشتيني قوي🤗... جوايا كلام كتير عايزة أقوله ليكي وأحكي لك على اللي شفته من ساعة ما سبتك.🤩
أنا اتفرجت ع الدنيا قد إيه هي جميلة😍 وقد إيه هي وحشة قوي☹️... فيها كل حاجة وعكسها
حتى الطبيعة على قد جمالها الرائع لكن غضبها مرعب قوي..😧
البحر الجميل اللي قعدت اتأمل فيه بالساعات فجأه أمواجه هاجت وفيه ناس غرقت وماتت😥
الشمس اللي بتدفي وقت الصبح بأشعتها ونورها اللي بيمحي ظلام الليل فجأة بتبقى سخنة قوي وحر شديد.🤒
ولا الناس يا ماما الحكيمة، لقيت ناس جميلة قوي🥰 واتعرفت عليهم لكن للأسف اتعرضوا لمشكلات كتير جدا😔
تقدري تقولي عليها مآسي
اللي حبها مكملش واللي طموحها غلبها واللي اتعقدت وقفلت قلبها☹️
كلهم نسيو حاجة مهمة قوي يا ماما الحكيمة...
نسيو إن ربنا موجود وبيسمع ويستجيب لوجع
وآنين القلب زي ما علمتيني🤲
نسيو إنهم يقدروا ياخدوا من كل تجربة عبرة وحكمة تعينهم على التجربة اللي بعدها
محدش علمهم زي ما علمتيني😚
محدش علمهم إن مش كل الناس زي بعضها لكن مختلفين باختلاف بصمات الأصابع🖐️
محدش علمهم📝 إن "التعميم" مش من النضج وإني مينفعش
"أسقط" كل مشاعري وأحكامي على ناس ملهاش ذنب🤷‍♀️
محدش علمهم إن الماضي خلاص مضى وإن الحاضر هو "هنا ودلوقت"
ياريتك كنتي هنا😓
ملحوظة: أنا هأبدأ شغل كجليسة لأطفال عيلة جميلة قوي💜.
.. ادعي لي قوي يا ماما الحكيمة ..🤲
إدعي لي أعرف أعلم الأطفال كل اللي إنتي علمتيهوني🤲
أنا بحبك قوي ومفتقداكي جدا❤️🤗
بنتك غالية🌹

رحلة_غالية