[Mary Naeem]

افكار لرحلات لليوم الروحى








دى حاجات كنا بنعملها لما كنا بنطلع رحلات مع الكنيسة ومع زمايلنا فى الخدمة
اثناء السفر ولان عادة ساعات السفر بتبقى طويلة كنا بنلعب العاب فى الاتوبيس ومنها ..

- لعبة الصديق الخفى
بيتكتب ورق باسماء كل الموجودين فى الاتوبيس .. ويتلخبط .. ثم يعاد توزيعه عليهم ولكن الورقة تكون مطبقة لا يراها الا صاحبها فقط .. والاسم اللى يطلع فى الورقة هايكون الشخص ده صديق خفى ليه طوال الرحلة يبعت له اى حاجة كهدية .. وكانت فى حاجات ظريفة بتتبعت زى مثلا (ربع جنيه مخروم - صورة تذكار من الدير او الكنيسة اللى هانزورها - ساندوتش - كيس فاضى - لبانة *--- اى حاجة طريفة )

والمفروض ان الطرف الثانى يخمن مين هو صديقه الخفى اللى كان بيبعت له طوال الرحلة هدايا احيانا بتطلع التخمينات مظبوطة واحيانا لأ .
وفى نهاية الرحلة كل واحد بيتفح الورقة بتاعته ويقراها على العلن .

لعبة الطمبوله ...

لو فى ميزانية فايضة من الاشتراكات اللى اتدفعت ثمن للرحلة ... بنشترى شوية هدايا رمزية ونكتب ورق بأرقام وكل واحد ياخد رقم ... ونبقى عاملين زيهم نسخة تانية معانا فى كيس بلاستيك كبير علشان نلخبطهم ونختار عشوائيا اى ورقة ... وصاحب النصيب يفوز بالهدية اللى عليها الدور.