27 - 05 - 2021, 05:16 PM
|
|
|
|
..::| الإدارة العامة |::..
|
|
|
|
|
|
لفت نظري ان الأطباء نصحوا ان يتم حجب خبر وفاة الفنان سمير غانم عن زوجته دلال عبد العزيز لان احتمالية تدهور صحتها نتيجة سمع الخبر هتكون كبيرة .
و الرسالة لينا كلنا .. امتي هنتأكد و نعرف ان الأخبار الصعبة و الكلام اللي فيه وجع بيأثر علي صحتنا النفسية والجسدية والروحية .
علشان كدة متقلبوش المواجع علي الناس
متدخلوش الجنازات تسألوهم في تفاصيل الشخص مات ازاي وعمل ايه و كانت ايه اخر مشاويره علشان ترضوا فضولكم .
متروحوش للشباب والبنات الصغير تسألوهم عن سبب فك خطوبتهم او فسخ ارتباطهم و تسألوهم عن الذكريات و تجبروهم يحكوا من جديد ويتوجعوا .
متقابلوش الناس اللي فقدوا حد من اهاليهم وتفضلوا تفتحوا في س و ج عن حبيبهم اللي فقدوه وتتعبوهم .
من فضلكم الكلام له تأثير قوي علي النفس والجسد
علشان كدة الكتاب المقدس في سفر الامثال بيعلمنا
(هدوء اللسان شجرة حياة واعوجاجه سحق في الروح)
يعني اللسان اما ينقل حياة واما يخلي روح الانسان تنجرح و تتدمر .. من فضلكم خدوا بالكم من كلامكم ومواضيعكم اللي بتفتحوها مع الناس .
|