“السيرة أطول من العمر "
هتموت و مواقفك الوحشة أو الجدعة هتعيش،
هتموت و كل احساس حد حسه بسببك سواء فرح أو حزن هيعيش،
هتموت و الكلمة الدبش اللي قولتها و سابت أثر في نفس حد هتعيش،
هتموت و الضحكة اللي كنت بتضحكها لأي حد بتقابله هتعيش.
العمر مهما طول قصير و اللي باقيلك ناس تفتكرك عشان ذكرياتك الحلوة معاهم..
مفيش حاجة تستاهل انك تكون سبب في وجع قلب انسان ولا ظلمه .. مفيش حاجة تستاهل انك تؤذي حد عشانها ..
كلنا سايبين كل حاجة و ماشيين .. سيب الأثر الطيب ، والمواقف الجدعة و الكلمة الحلوة ..أبقى لك.