[walaa farouk]

لا سلام بل سيف❗

كان ضابط بحرية من إسكندرية👨🏻‍✈️، لمَّا صادف ان الأسطول البحرية بقيادة الأدميرال "نوميريوس" انه يرسو علي جزيرة "خيوس_اليونانية🇬🇷"
، هناك بطريقةً ما، عرف قائد المئة "يوليوس" ان قديسنا مسيحي، فراح وشي بيه للأدميرال😏

⬅️ بالرغم ان المسيحية هناك لم تتعرض للإضطهاد، لكن الأدميرال إستدعاه علشان يتأكد من صحة الكلام دا، فإعترف قديسنا بأنه مسيحي يعبد اللَّه الواحِد، لا آخر سواه، ورغم شدة العذابات اللي اتعرضلها،
رفض عبادة الأوثان مرارا و تكراراً، و قال📢:

"قد تكون قادراً على قتل جسدي، لكن ليس لديك قوة على روحي. الإله الحيّ الحقيقي، يسوع المسيح ، يثبت فيَّ؛ حتى بعد موتي سيكون معي، وأنا معه🤝🏼. سأبقى فيه، ولن أتوقف عن الإعتراف به أبداً بينما لا يزال التنفُس في جسدي💓".

و لمّا أبوه عرف باللي بيحصل، راح للأدميرال يستأذنه ان يدخل لإبنه
و هو هيقنعه انه يغيّر إيمانه😏،
لكن قديسنا طلب من أبوه انه يفتح عينه و قلبه
و يعرف عظمة المسيحية الحقيقية🤍،
لكن أبوه إستاء منه جداً انه ازاي يؤمن بالمسيح
بدل عبادة أجداده، فإتبرأ منه، و طلب من الأدميرال أنه يعدمه فوراً❗

+فبعدها الأدميرال عذبه عذابات شديدة، و أمر قطع رأسه، و ان جسده يترمي بعد كدة في بير علشان الوحوش تأكله، لكن اثنين مسيحيين "أمونيوس و ميروبي" راحوا اخدوا جسده ودفنوه في السرّ،

فلما الأدميرال سمع باللي حصل، غضب جداً و أمر بإعدام الجنود اللي كانت بتحرس الجسد، فالقديسة "ميروبي" عرفت باللي هيحصل، فصعب عليها يتعدم ناس أبرياء، فراحت اعترفت بأن هي اللي اخدت جسد قديسنا ودفنته من غير ماتقول له علي المكان، فأمر الأدميرال بعذابها
و آمن الكثير من اللي كانوا موجودين و نال الكُل أكاليل الشهادة👑

القديس المصري "إيسيذوروس خيوس" (251م)،
خيوس نسبة للمكان اللي استشهد فيه، بَركتُه فَلتَكُن معنا. آمين🙏
(St. Isidore of Chios)