[walaa farouk]

في البداية الله خلق الإنسان في علاقة سوية مع حواء ومعاه،
وفي بداية العلاقة مرتبطة بالله وكان الإنسان مستمد من الله
التناغم في علاقاته ولكن لما إنفصل الإنسان عن الله بخطيته
بدء يظهر تشوه الصورة اللي إستمدها الإنسان من الله
حتي في علاقته مع حواء نشوف آدم بيلقي باللوم عليها،
العهد القديم بيحكي لينا قصة فشل الإنسان
في إنه يصلح علاقاته وقد إيه الخطية شوهت علاقات الإنسان
وبقي تصورات قلب الإنسان شريرة جدا وبنشوف كمان
إن العلاقات دخلها الغيرة والمقارنة
لدرجة توصل لقتل الإنسان لإخوه الإنسان،
علشان كدا مهما حاول الإنسان إنه يبذل مجهود
علشان يصلح علاقاته هيبذل طاقة وهيستنزف وهيرهق
لإنه محتاج يسترد علاقته مع المصدر بتاعه
فيسترد صورته الأولي اللي إتشوهت،
الصليب الله أوجد الحل اللي فيه تم المصالحة بينا
وعلاقتنا مع الله ولما إسترد الإنسان في الصليب
إسترد علاقته مع أخوه الإنسان
وهدف العلاقات أننا نفهم أننا محتاجين نسترد علاقتنا مع الله
علشان نسترد علاقاتنا مع الأخرين
ودعوتنا هي مسئوليتنا في أننا نيجي بعلاقتنا عند الصليب
حيث موضع إسترداد صورتنا وحياتنا
" الصليب هو النور الذي أشرق في منافذ قلوبنا
ليحول منها موضع راحة وحياة
والصليب هو المصالحة للإنسان مع الله
وكمان الإنسان مع أخوه الإنسان " ♥️