[walaa farouk]

مرة ابونا ماشي في شارع شبرا بص لاقي مرقص كاتب علي المحل بتاعة مرقص و ولده !

فدخل عليه ابونا وقال : مبروك يا مرقص الف مبروك .. مبروك جالك ولد سميته

مرقص:ولد وابن ايه يا ابونا انا معنديش عيال
ابونا: امال ايه حكاية اليافطة اللي مكتوب عليها مرقص وولده دي؟؟

مرقص: ابدا يا ابونا اصلي طول ما انا ماشي اشوف اللي كاتب محمد وولده .. حسن وولده .. قلت انا كمان اكتب مرقص وولده ..
ابونا : لا لا يا مرقص كده انت بتكذب و ربنا يزعل منك وتدخل النار ..

المهم فات يومين و معدي ابونا علي محل مرقص لقاه كاتب مرقص و شركاه ..

فدخل عليه ابونا وقال : خبر ايه يا مرقص انت شاركت مين ؟؟

مرقص : لا يا ابونا ابدا انا ماشركتش حد بس انت قلت مرقص وولده حرام قمت مغيرها لمرقص وشركاه ... منظر برضة ياابونا علي باب المحل
ابونا : لا لا يا مرقص كده انت بتكذب وربنا يزعل منك وتدخل النار ..

المهم مشي ابونا ورجع بعد يومين لقي المحل مقفول فسأل علي مرقص قالوا له في المستشفي راح علي المستشفي ودخل علي مرقص لقاه متكسر وكلة متجبس

ابونا: ايه يا مرقص ايه اللي حصلك؟؟!

مرقص منك لله يا ابونا سمعت كلامك وكتبت علي المحل مرقص وحده لاشريك له دخلوا عليا كسروني🤣🤣🤣