[souad jaalouk]

لكل يوم زوّادة: علينا العمل ، أما النجاح فعمل يسوع

من الأقوال الكتيرة المنسوبة للقدّيسة الزغيرة تريزيا الطفل يسوع قَول حلو نتأمّل فيه خصوصا بمراحل دَقيقة من حياتنا و قدّام كل استحقاق عتلانين همّو و خيفانين منّو: "علينا العمل، اما النجاح فعمل يسوع."
يا رب علِّمنا ما نتعب نشتغل و نفتّش و نجرّب و اذا وقعنا نرجع نقوم و ما نستسلم قد ما كان صعب او مستحيل بعيون البشر الهدف اللي عيننا عليه. علّمنا يا رب نعرف نعمل اللي علينا بضمير مرتاح و ما نقصّر بواجباتنا و بنفس الوقت عطينا القوّة ندافع عن حقوقنا بالحق و نعرف نتّكل عليك تدبّرلنا امورنا بحكمتك و مشيئتك. احمينا يا بَينا تحت جناحك، احكي بلساننا بكل المواقف، ما تقبل ينظلم حدا من ولادك و لا حدا يستخفّ بتعبن... منّك يا رب منطلب!