[walaa farouk]

لو إنت واقف ومركز ومش مشغول بلبس العيد ..
هتلاقي التمثيلية عبارة عن قصتين مش قصة واحدة ..!

أول_قصة ..
النور بيطفي .. وستر الهيكل بيتقفل ..
وبيقف بره ناس وجوه ناس .. ياترى ليه ..؟؟
الناس اللي بره هما التلاميذ والمريمات اللي جايين القبر ،
يتأكدوا من القيامة ..
واللي جوه بيمثل الملاكين اللي أعلنوا قيامة الرب ..
وعلشان كده اللي بره هتلاقيه بيسأل
"اخرستوس انستي " وكأنهم بيسألوا ..
هل المسيح قام ..؟؟
والملايكة بتجاوب " اليثوس انستى "
أيوه ياجماااعة .. "حقا قام " ..✋✋

تاني_قصة ..
الناس اللي بره عرفوا القيامة ..
بينادوا على الملايكة حراس أبواب السما ،
اللي واخدين الأمر من زماااان إنهم مايفتحوش لإنسان ..!
بينادوا ويقولوا .. افتحوا ايها الملوك ابوابكم ،
وارتفعي أيتها الأبواب الدهرية ، فيدخل ملك المجد ..!

فالناس اللي من جوه اللي هما الملايكة حراس الابواب.. بيسألوا .. من هو ملك المجد ❓‼️
وكأنهم عايزين يقولوا ..مين ده ؟!!
احنا ماعندناش أوامر ندخل أي إنسان ..!!

فالناس اللي من بره وشافوا قيامته وصعوده بيجاوبوا ..
" الرب العزيز القوي الجبار القاهر في الحروب ،
هو ملك المجد "💪💪

وهنا بتعرف الملايكة إنه هو رب الارباب وملك الملوك ،
هو اللي قفل الباب وهو بس اللي يفتحه من تاني ..!
فبيفتحوا بقوة ستر الهيكل ..!
والأنوار بتنور ..🎊🎉🎊
والزفة بتطلع من الهيكل ..
المسيح قام من الاموات..
بالموت داس الموت .. ❤❤