[Mary Naeem]

النهارده يوم جمع كل الاشياء الغير منطقية والأشياء غير المتوقعة وكأن كل شي النهارده بيقولنا
متستغربش لو اتخنت من القريبين
متتوجعش لو كنت فاكر نفسك غالي علي حد وطلعت مش اصلا فارق معاه
متستعجبش لما تلاقي ربنا بيبعتلك طيب من النعم والبركات غير المتوقعه بطرق غير عاديه علشان يطيب جرحك

يهوذا اللي معروف عنه أنه من اتباع وتلاميذ يسوع يعني من اقرب الناس باع العشره والحب برخص التراب
المرأه ساكبه الطيب المجهوله التي لم يعرفها أحد اشترت القرب والحب بثمن غالي
كأن القريب أصبح غريبا والبعيد أصبح قريبا
كأن الصديق أصبح خائنا والغريب أصبح حبيبٱ
كأن الغالي بيع بالرخيص والشئ الذي يسكب علي قدميه اشتري بالغالي
ربنا سمح لاحداث اليوم ده انها تجمع ساكبه الطيب ويهوذا وكل الحاجات اللي عكس بعضها
علشان يقولي ويقولك
عشت قبلك اللي انت بتعيشه يابني وحاسس بيك علشان متحطش كل حبك و عشمك وتعلقك في أشخاص معينه ممكن تخذلك وتخونك وتبيعك بسهوله
متفتكرش انك غالي قوي علي قلب حد
اعرف قيمتك وغلاوتك الحقيقه عند اللي فداك
اللي لما حب يعبرك عن حبه مسكبش اغلي طيب
ده سكب دمه الغالي
ابوك السماوي عايزك تعرف غلاوتك عنده ومتشحتش حب وقيمه من شئ أو من شخص ،
وعايزك تتمتع بحبه وستجد نفسك اغني الناس تحب الكل وتعطي بسخاء دون حساب او تردد وستسكب عطاء وخير ورحمه علي الكل بدون حدود لانك ابن شبعان حب من ابوك الغير محدود