[walaa farouk]

وأنا في أعدادي قابلت خادم مميز،
وحبيت أعرفه أد إيه أنا شخص "بتاع ربنا"😇..
قلتله: أنا عندي أمتحان النهاردة📝،
ولأني باثق في الله وقدرته طلبت منه النجاح
ومذاكرتش اعتماداً مني على قدرته🙌
، انا واثق اني هانجح👌🏻💯👏🏻..

فاجئني رده اللي ملحقش يفكر فيه: الحقيقة انت كده مش شخص "روحي" انما شخص "مهمل" وكمان "متدروش"🤨😠👊🏻..
ولسه هاتكلم😧 لقيته استرسل:
لان ثقتك في الله ابداً ماتلغيش ان عليك دور لازم تعمله👌🏻.
. الله عمره مادعانا للكسل أو أنه يباركنا
واحنا نايمين مش عاوزين نشتغل😴🥱..

وده نفس المعنى اللي قاله الحكيم: هنتعب عشان ندرب الجيش ونجهزه عشان الحرب، وهنبذل اقصي ماعندنا في الحرب💪🏻💪🏻،
لكن تفضل نتيجة اننا ننتصر أو لا دي مش بتاعتنا،
دي من عنده هو🙏🏻..

وفي خشوع باروح قدام الهي بالحق ده كل يوم🙇🏻‍♂️🙇🏻‍♀️، وانا في شغلي أو دراستي أو خدمتي أو حتى في المهام اليومية البسيطة، بارفع عيني واقولك كده:
يا ابويا علمني أجتهد وأعمل أفضل ماعندي، لكن النتيجة، النجاح، الثمر، الإنجاز، من عندك أنت🙌..
أديني طاقة ونعمة وتركيز في كل اللي هاعمله النهاردة،
وشكرا لأن النصرة من عندك، مجدي ورافع راسي😇😍..

"الفرس معد ليوم الحرب، أما النصرة فمن الرب" أمثال 21: 31