[Mary Naeem]

*" مـعـنـدوش أغـلـى مـنـك "*










*ربـنـا مـش هـيـسـمـحـلـك تـضـيـع مـن ايـديـه .. هـيـجـيـبـك هـيـجـيـبـك ..*


حتي لو هربت منه ورميت نفسك ف البحر زي *'' يـونـان ''* .. هيوصلك ف بطن الحوت .

حتي لو بقالك سنين مكسور وقاعد عند البركه زي *'' الـمـخـلـع ''* .. هيجيلك لحد عندك .

حتي لو ضيعت عمرك ع الفاضي وذليت نفسك ف ارض غريبه زي *'' الـإبـن الـضـال ''* .. هيفتحلك حضنه ويعوض ايامك خير .

حتي لو ملفوف ف تابوت ومتشال ع الكتاف زي *'' ابـن ارمـلـة نـايـيـن ''* .. هيلمس نعشك ويرد فيك الروح .

حتي لو بقالك فتره مدفون ف القبر وريحتك طلعت زي *'' لـعـازر ''* .. هيوهبك ف عز الموت حياه وف عز الحزن فرحه .

حتي لو اتعلقت ع الصليب ونهايتك قربت زي *'' ديـمـاس ''* .. اول ما تنادي عليه هيقولك '' اليوم تكون معي ف الفردوس '' .

حتي لو بقالك كتير رامي الشبكه ومش عارف تصطاد زي *'' بـطـرس ''* .. هيجيلك ماشي علي الميه لو حتي ف الهزيع الرابع .

*هـيـبـارك عـمـرك الـلـي جـاي .. ربـنـا مـش هـيـسـيـبـك تـروح مـنـه .. مـش هـتـهـون عـلـيـه .. مـش هـيـفـرط فـيـك ابـداً .. مـعـنـدوش اغـلـي مـنـك .. وبـيـحـبـك زي مـا أنـت .. إلـهـنـا إلـه الـنـهـايـات الـغـيـر مـتـوقـعـه .. إلـه الـمـفـاجـأت الـحـلـوه .. هـيـفـرح قـلـبـك .. مـتـخـافـش .*