[souad jaalouk]

لكل يوم زوّادة: حبّو كتير وكونوا قنوعين

في حكمة بتقول: "القليل كثير إذا قنعت، والكثير قليل إذا طمعت، والبعيد قريب إن أحببت، والقريب بعيد إن بغضت."
كم عيلة مكتفيّة بالقليل اللي عندها ياه و بتشكر الله الف مرّة بالنهار و ما بيحسّو افرادها انّو ناقصن شي ابدا؟ و كم شخص الطمع سكّرلو عيونو عن نعمة الله و قد ما عندو بيضلّ بدّو بعد!؟
كم شخص منحبّو من كل قلبنا لو في بيناتنا بحور و بلاد و قارّات، قد ما كنّا بعاد بالمسافة كل ما صار معنا شي منركض نحكيه و هوّي اوّل حدا بيخطر عا بالنا كل ما فكّرنا بشي حلو...الحب بيختصر المسافات شوفو مثلا حب الله إلنا من السما للأرض!
و اوقات بيكون جارك الباب بالباب بس بتحسّو بعيد عنّك مش كرمال شي بس لأنّو المحبّة ما لِقيت طريقها بيناتكن بعد!
هالحكمة بتقلنا اليوم حِبّو كتير و كونو قنوعين! نهاركن مبارك مع يسوع