[Mary Naeem]

*" مكسوف منك يارب "*






مكسوف منك يارب لانك لم تقصر معى وأنا قصرت فى كل شىء

مكسوف منك يارب لانك بعتلى انبياءك وكنيستك وأنا استهنت بيهم

مكسوف منك يارب لانى تعبتك وأنا ببحث عن الراحة ومش عايز أدخل من الباب الضيق

مكسوف منك يارب لانك جعت وعطشت من اجلى وأنا ببحث عن مسراتى فى الصوم ومشغول بلبس العيد والاكل

مكسوف منك يارب لانك لم يكن لك مكان لتسند رأسك وأنا مشغول ببيتى زى الغنى الغبى

مكسوف منك يارب لانك بتكره الخطية وأنا مازلت بحب الخطية
مكسوف منك يارب لأنك طويل الاناه عليا وانا لا اصبر على اخواتى وببص ديماً على عيوبهم

مكسوف منك يارب لأنك منتظرنى وبتدعونى وأنا مشغول عنك وبهتم بحاجات مش مهمة

مكسوف منك يارب لأنك تريدنى حراً من محبة المال وأنا مشغول بالرصيد

مكسوف منك يارب لأنك دايما مشغول بالداخل وأنا مشغول بالخارج

مكسوف منك يارب لأنك تعطينى فرص كتير بالتوبة وأنا بضيعها

مكسوف منك يارب لأنك وديع ومتواضع القلب وأنا غضوب وسريع الانفعال

مكسوف منك يارب لانك عاوزنى اتألم معاك لكى تمجدنى و لكنى اهرب من الضيقة

مكسوف منك يارب لأنك اعطيتنى وصاياك الغالية وأنا لم احفظها بعد.

مكسوف منك يارب لأنك دايما مشغول بيا وأنا مشغول بكرامتى قدام الناس

مكسوف منك يارب لأنك بتحذرنى من ضياع الوقت وأنا عمال اضيع وقتى

مكسوف منك يارب لأنك بترسل ملايكتك وقديسيك لنجدتى وأنا لا اعطيهم الاكرام اللائق

مكسوف منك يارب لأنك خلقتنى مميز على صورتك ومثالك وأنا شوهت الصورة دية

مكسوف منك يارب لأنك دعتنى ابنك /خادمك وانا اعثر غيرى

مكسوف منك يارب لأنك مازلت بتحبنى برغم من كل جحودى

مكسوف منك يارب لأنك اتالمت قدام الناس كلها بس أنا عاوز اتألم فى الخفاء

مكسوف منك يارب لأنك اعطتنى عطايا مادية غيرى محروم منها وأنا مش بشكر

مكسوف منك يارب لأنك حكيم فى كل اعمالك وأنا بتكبر على احكامك

مكسوف منك يارب لأنك تؤدبنى لما بضل ولكننى اكرر خطايا وارفض تأديبك

مكسوف منك يارب لأنك بتعطينى بسخاء وأنا بخيل فى عطائى

مكسوف منك يارب لأنك مسرور تدينى الملكوت وأنا مازلت باهتم بالارض

مكسوف منك يارب لأنك بتدينى نعمة ورحمة قدام الرؤساء وأنا مش بشكرك

مكسوف منك يارب لأنك بتُخرج من الآكل اكلاً ومن الجافى حلاوة وأنا مش فاهم

مكسوف منك يارب لأنك بتدينى مساحة أعبر فيها عن مشاعرى وتذمرى

مكسوف منك يارب لأنك بكيت عشانى وأنا لازلت لا ابكى على خطاياى

مكسوف منك يارب لأنك قدوس وبتسمح للتراب انه يتكلم معاك

مكسوف منك يارب لأنك مش بتنسى كاس ماء بارد

مكسوف منك يارب لأنى بتأثر مؤقتا فى أسبوع الآلام وبعد كدة ارجع تانى

*" من كل قلبى أدعوك ربى أن تقوينى وتمحو ذنبى ،

*" فمن فضلك ربى أضرم لهيب محبتك فى قلبى "*
*آمين*