07 - 04 - 2021, 05:39 AM
|
|
|
|
..::| الإدارة العامة |::..
|
|
|
|
|
|
لصديقتى المقيمة بارض الوحده 2
ببعتلك قوته وسندته اللى نجدتنى فى وقت وحدتى
..ببعتلك طبطبة ايده اللى هونت ليالى صعبه مؤلمه.
.ببعتلك احتوئه ليا وانا مخزيه من الكل ومتروكه بلا رحمه
ببعتلك رحمه من قلبه تشفق على قلبك من تنهيته
اللى بتشق الصدر وتحفر ليها طريق
ببعتلك مش فكره مشجعه ..او كلام ايجابى .
او تسكين لالمك ..
انا ببعتلك ..."الله"
ببعتلك اللى يقدر يجتاز معاكى معركتك
وهو متوحد بالكامل مع مشاعر قلبك بدون مزايده
..او كلل..او ملل...او تخلى..اومعايره
ببعتلك الوحيد اللى هيقدر يكفى لكل احتياج.
. ويوفى لكل وعد ..ويشفى لكل مشاعر
ببعتلك اللى لاخر المشوار بيصون قلبك اللى ائتمنتيه عليه
ثقى ان مهما كانت وحدتك موحشه ..فانتى مش لوحدك..
ثقى ان ليكى سلام..وعبور مش لعلاقات تداوى وحدتك او احضان تضخى فيها المك ...
ثقى انه بيقودك للوجه الاخر من صحراء_الوحده
صديقتى ببعتلك من بعد العبور ..انتظرى وليتشدد قلبك
.. وبيقين اللى هتوصليله يستاهل
رساله_لصديقتى_المقيمه_بارض_الوحده 2
|