[Mary Naeem]

حاوطو نفسكم بناس تشوفكم perfect









المسلسل ده من أكتر الحجات العظيمة اللي اتعملت مؤخرًا مش عشان مرض البهاق بس .. عشان الفكرة نفسها
كل حد فينا جواه حته في شكله مضيقاه وهي مش مضيقاه عشان هو مقتنع بده لا ..
السبب دايمًا بيكون الكلام اللي سمعناه من ناس حوالينا على حاجة معينة في شكلنا فضلت معلمة جوانا وقللت ثقتنا بنفسنا بسبب شخص معين قال كلمة ممكن تجرح بني ادم
من فترة كان في حد في حياتي كل ما يشوفني لازم يعلق على حاجة معينة في شكلي وخصوصًا الحبوب ولما كنت اسأل حد من صحابي يقولي فين ده او مش باينة اصلا بس كلمة واحدة من شخص ممكن تفضل معلمة فيك لسنين وتفضل تحاول تداري العيب ده وممكن تكون اصلا الناس اللي بتحبك مش شيفاه وشيفاك أجمل حد ورغم ده الكلام بيفضل أثره موجود جوانا

أنا طول المسلسل بقول شكلها حلو اوي من غير مكياج يمكن اشهر حد مشهور بالمرض ده لوجينه صلاح وبشوفها فعلا جذابة جدا جدا كست
حاوطو نفسكم بناس تشوفكم perfect في كل حالاتكم اللي بيحبك هيشوفك حلو في كل حالاتك ودي من حقايق الحياه.

You are enough , actually you're more than enough.