[walaa farouk]

الصورة دي لشخص كان واقف في محطة مترو في واشنطن وبيعزف ڤيولين..! 🎻
"اللي حصل كان مراقب بكاميرات المراقبة وإتصور كاملا"
الشخص ده إستمر في العزف حوالي ٤٥ دقيقة
لمقطوعات موسيقية وهمية لمشاهير ..🎼

في الفترة دي تقريباً مر من أمامه أكتر من ألف شخص متوجهين لركوب المترو عادي جدااا ..

في خلال ال ٤٥ دقيقة من العزف..
في ٧ أشخاص بس هم اللي وقفوا سمعوا شوية..و مشوا..
و كام شخص كده أعطوله نقود لعزفه ...

في النهاية، جمع (32 دولار) خلال 45 دقيقة بس !!

وكانت المفاجأة بقى ..👇
إن العازف ده هو ( Joshua Bell)
واحد من أعظم الموسيقيين في العالم..
والكمان اللي بيعزف عليه ثمنه ٣.٥ مليون دولار 💥

قبل الموقف ده بكام يوم بس...
كان "Joshua" عنده حفلة في بوستن ..
والتذاكر إتباعت بالكامل وكان سعر التذكرة ( ١٠٠ دولار ) !

(اللي إتعمل ده كان تجربة إجتماعية مهمة )..

العازف ده قدم موهبته في مكان غير مناسب..
والناس فيه مفهموش الموهبة اللي متقدمالهم ، ولو مجانا كمان ..

ناس رايحة شغلها ومركزة في حاجة تانية خاااالص...
وناس مش من إهتماماتها الموسيقى ومتلفتش نظرها ...
أو ناس وقفت وسمعت ومفهمتش الموسيقى ومدى براعة العازف في تقديمها ..

لكن ..
لما بيعلن العازف عن نفسه في المكان الصحيح ..
بيلاقي التقدير والإهتمام اللي بيستحقه و بينتظره ...
ويلاقي الناس اللي فاهمة هو بيقدملهم إيه بالظبط !...
وبيقدروه على أساس فهمهم للعظمة اللي شايفنها ...

روح للناس اللي هتقدرك .. 👍🌹
اللي هتفهم إنت هتقدملهم إيه ...؟
لإن وقتها...
هيستحقوا يستمتعوا بموهبتك والمكتسبات الكتييير
اللي هتقدمهالهم ...وهيفهموها....ويقدروها صح ...

لإنك في المكان الصح ..