[walaa farouk]

فيه نوعية من الشخصيات
منتشرة جدًا خاصةً الأيام دي..
الشخصية المحبوسة جوه نفسها..
ومدفونة بخصوصياتها بس..
الشخصية دي ممكن تلاقيها منعزلة لسنين كتيرة.. اتعودت انها تكلم نفسها بس عن مشاكلها..
بتصمت أكتر ماتتكلم.. بتخاف تنفتح على اللي حواليها لحسن تتصدم ويزيد تعبها أكتر..
بتستلقى معظم الأخبار وكأنها كلبشات بتزيد من حبسها ووجعها...
لدرجة إنها مش قادرة تشوف أي بصيص نور واشراقة على حياتها...
نفتالي ابن يعقوب مثال واضح للشخصية دي.. اللي شبهه أبوه بالغزالة المحبوسة..
اللي مفروض يكون مكانها في الهواء الطلق.. وبتواجه تحدياتها بقوة.
لكنها سلمت نفسها لصياد قدر يحطها جوه محبس لسنين كتيرة..
لكن المشجع إن يعقوب تفوه ببركة رائعة على نفتالي وقال:
نَفْتَالِي، أَيِّلَةٌ (غزالة) مُسَيَّبَةٌ (تحررت) يُعْطِي أَقْوَالًا حَسَنَةً... (تك 49: 21)
ياه على جمال الكلمات دي.. 💟 خلاص تم اطلاق وتحرير نفتالي المحبوس..
والنتيجة إنه بقى يُعطي أقوالاً حسنة...
دي النعمة اللي لما تفتقد حد في الوضع ده.. تحرره
وكمان تستخدمه بأخبار جميلة فيها شفاء لإخواته..
يارب افتقد نفسي من كل سجن حطيت نفسي فيه أو ابليس سحبني بمكر ليه..
فمش قادر أنطق بالخير على اللي حواليَّ.. وكل نظرتي للأحداث سوداوية..
إطلقني زي الغزالة المُسيَّبة المفكوكة اللي بتحمل أخبار بركة لإخواتها... 🙏☺
#نفتالي_غزالة_مُسيَّبة 💟