[walaa farouk]

بلاش نكشر فى وشهم
خدنا زمان فى الفسيولوجى حاجة اسمها...conditioned reflex ....
وبالعربى ...رد الفعل الشرطى
وهو ان مثلا لو اثناء ما القطة🐈 بتاكل🍗 رنينا جرس🔔 كذا يوم ورا بعض
بعد كده كل ما هتسمع القطة🐈 جرس🔔 بيرن لعابها هيزيد لان اصبح عندها رنة الجرس مرتبطة بالاكل
طيب ليه الرغى ده كله؟؟؟؟
اقولك....لو الطفل دخل القداس وابتسمنا فى وشه واديناله شوكلاتاية🍫🍫
علشان قال مرد او قرا قراية او حتى لانه مجرد لبس التونية
ده هيكون جواه مشاعر ايجابية مرتبطة بحضور القداس كشماس... يعنى هيحب القداس ويرتبط به
وهيكون القداس مرتبط عنده بحاجة حلوة هو بيحبها
تخيل ان شوكلاتاية ممكن تكون سبب دخول نفس للملكوت....صدقنى
حتى الشباب والكبار لو حسوا بالانتماء لجروب فى التسبحة او القداس والشماسية
ولما يحضروا نفطر معاهم ونشجعهم بهدية ونتصور مع بعض ونعمل كده جو مشجع
كل ده هيسبب عندهم مشاعر ايجابية تجاه القداس والتسبحة والخدمة الروحية بصفة عامة
(((بس كل ده يكون طالع من قلب💖 محب ليهم بجد لانهم هيحسوا ده)))
وان كان الارتباط بالكنيسة فى البداية بسبب مشجعات حسية او معنوية بشرية....
وجودهم فى محضر الله فى الليتورجيا الكنسية كفيل بان يعطى فرصة لروح الله ليعمل فيهم
وتعاد صياغة حياتهم الروحية لتكون مرتبطة بالله مباشرة
هكَذَا إِذْ كُنَّا حَانِّينَ إِلَيْكُمْ، كُنَّا نَرْضَى أَنْ نُعْطِيَكُمْ،
لاَ إِنْجِيلَ اللهِ فَقَطْ بَلْ أَنْفُسَنَا أَيْضًا، لأَنَّكُمْ صِرْتُمْ مَحْبُوبِينَ إِلَيْنَا. (1تس ٢ : ٨)