[Mary Naeem]

فى الآخر الحقيقه بتتعرف

فاكرين لما أسماعيل ياسين حط الزبالة فى حلة مية وسخة وشالها ورايح يرميها

والشاويش عطية شافه شايل الحلة وماشى فاتهمه أنه سارق الشوربة ..
أسماعيل ياسين حلف له إنها مية وسخة لكن الشاويش عطية ماصدقش وجاب العسكري مجانص وطلب منه أنه يدوق ويشوف هى شوربة ولا مية وسخة فالعسكرى

مجانص عشان كان بيكره العسكرى أسماعيل شرب وقال عليها شوربة !!
أسماعيل استغرب وحلف إنها مية وسخة فالشاويش عطية قال لمجانص اشرب تانى عشان أسماعيل مش مصدق ..فمجانص شرب تانى وقال دى شوربة
و بعدها الشاويش عطية حب يتأكد وشرب بنفسه وعرف إنها مية وسخة !
مجانص شرب مرتين مية وسخة وكان مستعد يشرب الميه الوسخه كلها علشان الكره والحقد اللى جواه مخليه عنده أستعداد يعمل أى حاجه..

يشهد زور ، يحكى حكايه من خياله ،، ياخد الحكايه ويضيف عليها من عنده

- وفى الآخر الحقيقه بتتعرف.. كل المجانص اللى فى حياتنا مش هاينوبهم إلا إنهم هيشربوا مية وسخة.