[walaa farouk]

لو ذهبت زيارة لدير الأنبا أنطونيوس....
هتلاقي الأيقونة دي....
سألت أحد الأباء مين اللي في الصورة دة....؟؟؟
فقالي دة واحد إسمه القديس سيرابيون....
قولت في عقل بالي مين القديس سيرابيون
اللي رسموله أيقونة كبيرة على جدران الدير.....؟؟؟؟؟
روحت البيت وفضلت أدور على القديس سيرابيون دة ولقيت العجب.....
القديس سيرابيون دة كان أسقف على مدينة إسمها تمويس...
. تمويس دي دلوقتي قرية في مركز السنبلاوين محافظة الدقهلية.... المهم.... القديس دة كان تلميذ من تلاميذ القديس أنبا أنطونيوس الكبير.... والأنبا أنطونيوس كان بيحبه لدرجة إنه كان بيئتمنه على الرؤى اللي كان بيشوفها.... والقديس اثناسيوس كتبله عدة رسائل فصحية كان أهمها رسائل عن الروح القدس....
لكن أغرب حاجة عرفتها عنه كانت ( خولاجي سيرابيون )
إيه بقى حكاية خولاجي سيرابيون دة....؟؟؟؟
خولاجي سيرابيون هو واحد من أقدم ليتورچيات الكنيسة القبطية الأرثوذوكسية.... الخولاجي دة لقيناه داخل مخطوط
يعود عمره للقرن ال 11 في دير لاورا في جبل أثوس في اليونان...
الخولاجي عبارة عن 30 صلاة قبطية.... متقسمة ل 18 صلاة عن الإفخارستيا.... و 7 صلوات للمعمودية والميرون و 3 صلوات لسيامة الكهنة و صلاتين لطقس زيت مسحة المرضى والتجنيز .... وباقي المخطوط بقى رسائل عقائدية.....
الغريب في الخولاجي دة إن بداية الصلوات دي متفقة جداً مع قداس القديس مرقس اللي فيما بعد إتعرف بإسم القداس الكيرلسي....
الأغرب بقى من كل الكلام دة هي صلاة الأنافورا وإستدعاء اللوغس.... الصلاة دي ماكانتش موجودة في أي ليتورچية قبل قداس سيرابيون......
الجميل في كل اللي أنا حكيته دة إن الكنيسة القبطية
هي واحدة من أعظم الكنايس اللي تألقت في العمل الليتورچي.
... ودة كان واضح في الربط مابين حياة المؤمنين
وحياة الرب يسوع من خلال تدبير الخلاص وشكر الأب من خلال إبنه لأجل خاطر هذا التدبير العظيم في قداس القديس سيرابيون....