[walaa farouk]

١-العمل هام لكن ضع ترتيب الاولويات دي قبله : امانتك امام الله،
سلامة نفسك و ضميرك، راحة جسدك ، اهتمامك باسرتك ..

٢-اسمع رأي الناس من غير مبالغة ، و ضعه في مكانه الصحيح بلا تهويل و لا تهوين..

٣-الفلوس عاوزة حكمة : جزء تصرفه و تفرح بيه ، جزء تدخره،
جزء تفرح بيه غيرك و تدي منه للمحتاج ..

٤-لا تركض نحو المناصب و لا تشتهي السلطة ، لان حب "الكراسي" مدمر للأخلاق..
لكن لو المناصب جريت وراك اقبلها بتواضع ، و احسن الأمانة فيها ..

٥-اوعي تقع في فخ "ادمان العمل " .. سلامك و صحتك و اسرتك و ابديتك اهم الف مرة..

٦-قلل توقعاتك من زملائك علشان ما تتصدمش..
و اللي ما حدش يساعدك فيه "اعمله بايديك و لا حد يتأمر عليك " !!

٧-اهم نقطتين في العمل : امانة عاوز التزام ، و كفاءة عاوزة اجتهاد..

٨-العلاقات الشخصية في العمل عاوز منتهي الحرص.. الزمالة المهنية علاقة مريحة و خسايرها قليلة ..

٨-الاحترام اساس جميل لاي علاقة .. وضع الحدود و عدم رفع الكلفة مهم جدا لانجاح العمل ..

٩-لا تبالغ في مساعدة كل من يطلب لانك ح تضره و ح تعلمه الاستغلال، و غالبا ح تتصدم فيه بعد شوية ..

١٠-العمل يتم في العمل .. حل مشاكلك هناك .. بالكتير سيبها و انت مروح على باب بيتك ..

١١-الطموح واجب ، لكن بدون صداقة الرضي و الشكر يتحول الطموح

الي حفرة الخروج منها قد يكون بخسارة كبيرةجدا ..

١٢-العمل لن ينتهي ، كان قبلك و سيستمر بعدك ،
لذا تذكر متي تعمل و متي ترتاح .. لا تعمل عبدا للشغل بل اجعله عبدا لك