[souad jaalouk]

لكل يوم زوّادة:
بيقولو انو خشب شجرة وحدة بيكفي تا يتصنع اكتر من مليون عود كبريت و من ميلة تانية عود كبريت واحد بيكفي تا يسبّب بحريق اكتر من مليون شجرة!
ما تؤذي حدا ساعَدك تا تكوّن حالك، بالعكس احفظ الجميل و انطر فرصة تا تردّو اضعاف و اضعاف...
خلّونا اليوم نذكر بصلاتنا كل شخص حَطّو ربنا بطريقنا و عِمِل فرق بحياتنا و ساعدنا بوقت يمكن ما كانت الإشيا واضحة بعيوننا و هوّي آمن فينا و مسكلنا ايدنا تا وصّلنا...منصلّي لكل شخص كان بيوم الكتف اللي بكينا عليه، منصلّي لكل حدا وقف حدنا وقت الكلّ تركونا...الصلا عا نيّة هالناس من ارقى انواع عرفان الجميل و الشكر، شو في احلى من انّك توصي ربنا بشخص لأنّك مش عارف كيف تردلّو جميلو معك، شو فيه احلى من انّك تترك طلباتك عا جنب و تطلب لغيرك...