[walaa farouk]

الابن الضال (الابن الأكبر) لوقا 15
في إنجيل معلمنا لوقا الأصحاح 15 كلمنا رب المجد عن مثل أب له ابنين

الابن الأكبر اللي هو فعلا يطلق عليه الابن الضال
1- ضال في بيت أبوه
زي ما الكل فاكر ان الابن الأصغر هو اللي ضال
لكن في الحقيقة إن الابن الأكبر هو ضال لكن لم يذهب بعيدا
زي الخادم اللي بيخدم بيت الرب ولكنه لم يخدم رب البيت
2- عدم المحبة
أظهر عدم محبته لأخوه ولا حتى لأبوه
لو تأملنا في موقف الابن الأكبر لما سمع إن أخوه هيسيب البيت
هل كلمه انه يفضل في البيت؟
هل فرح إنه هيمشي وهيكون كل الميراث الجاي ليه لوحده؟
لكن الواضح انه فرح جدا بضياع أخوه وحزن جدا برجوعه
3- اشتهاء الشر
لما قال لأبوه انه خدمه سنين كتير ولم تعطيني جدي لأفرح بيه مع أصدقائي
وفي الكتاب المقدس غالبا ما يكون الجدي أجرة الخطية
زي ما كانت أجرة الخطية من يهوذا بن يعقوب لثامار
وزي ما شبه رب المجد الأشرار عن يساره بالجداء
فكان يشتهي الخطية وهو في بيت البر
وللأسف لم يذكر الكتاب المقدس عن مصير الابن الأكبر هل رجع بمناداة أبوه وتوسله إليه أم انه بقى معاند
تعالوا نطبق اللي اتعلمناه
1- احذر ان تخدم في بيت الله وأنت قلبك خارجه
احذر ان تجذب الخدام لشخصك وليس لشخص المسيح
احذر ان تكون ضال في بيت أبوك
2- عود نفسك أن تشارك الجميع أفراحهم وأحزانهم حتى ترتبط بمحبة الآخرين
3- لا تغر من الأشرار ولا من عمال الإثم ولا تشتهي أن تكون مثلهم
لأنهم وإن ارتفعوا وسمنوا فيكون ليوم الذبح