[souad jaalouk]

لكل يوم زوّادة: يا بي العيلة
بزمن الميلاد ما فينا ما نذكر مار يوسف عامود عيلة الناصرة المقدّسة!
كان رجال صامت اكتريّة الوقت ما بيحكي كتير و قنوع و متواضع. تحدّى تقاليد المجتمع و ما خاف يمشي بمشيئة الله للآخر. حمل الطفل يسوع بين ايديه بحنان و امّنلو الحماية و عتل همّو و خاف عليه متل ما البَي بيهتم بعيلتو و ولادو. مار يوسف اللي حضن مريم و ابنها العجيب و آمن مع انّو اللي صار ما بيفهمو عقل و منطق بشري.
يا بَي العيلة، البابا فرنسيس أعلن هالسنة مخصّصة لإلك! منصلّيلك ترافق كل بَي بهالدني يقدر يغمر عيلتو بالأمان و الإستقرار و الصلا! مار يوسف يحمي عيالكن!