[walaa farouk]

اخلاق للبيع
دلوني فين بتتباع و انا اقول للكل عليها ،
مش بس كده ، ده انا اشتريها بعمري و اوزعها ببلاش!!

يا اهل الشقاق و الفراق و سوء الأخلاق
، ما حدش ناوي يشتري اخلاق ؟؟

الطب بيلاقي علاج لكل مرض ، لكن "مرض الاخلاق"
لسه ما لوش دوا ..

عاوزين طيبة و حب و سماحة ، عاوزين تواضع و وداعة
و قلب ابيض، علي حبة أمانة و إخلاص و تفاني،
مع حبتين طاعة
و لسان جميل و كلام حلو ، علي شوية احترام
و اهتمام و حب الصلح و السلام ..

يا مين يدلني علي محل الأخلاق : شكل تجارته فلست
لان ما لوش زباين و لا حد راضي ياخد حتي ببلاش..

كله اشتري من محل "قلة الاخلاق " قلة قيمة و قلة ذوق
و قلة ادب و نفاق علي رأي القصة الشهيرة "أرض النفاق " ..

ناوي افتح محل اخلاق ، الببع للكل ببلاش
، و علاج مشاكلها برضه ببلاش ..

حد ناوي ييجي؟؟