[Mary Naeem]

ربنا يكون في عون الناس اللي بتسكت ومبتتكلمش ..
ولا بتعرف تعبر عن نفسها بالكلام او بالكتابة ...
ربنا يكون في عون كل اللي بيكتم جواه ويسكت ...
بيسكت عشان حاجات كتير ...
بيسكت عشان الدنيا تمشي !...
بيسكت عشان عارف ان الكلام مش هيفرق معاهم ! ...
بيسكت عشان احساسه اللي جواه ...
اكبر من وجوده جواهم ! ....

حقيقي ربنا يكون في عونهم ....
حلهم موجود في نظرة للسماء ...
عشان كل اللي بيبصوا للسماء اتكلموا ....
نظرتك للسما دي مش نظرة ...
ده جواب مكتوب بالاحساس ...
مكتوب بكل تفصيله جوه القلب ...
جواب يصل علي وجه السرعه ...
لا يمكن التأخير او الضياع ...
حقيقي مبيضعش ولا بيتاخر رده عليك ....
عشان مفيش اتنين بيحبوا بعض ...
واحد هيتكلم والتاني هيسيبه يتألم ...!!