[walaa farouk]

احنا غالبًا بنسمع طول الوقت!
بنسمع أصوات العربيات في الشارع
وأغاني التكاتك وخناقات الجيران وسي بي سي سفرة
وأغلب الحاجات دي مش بنختارها لكن بنسمعها برضو
لكن الإنصات ده قصة تانية خالص،
ده إنت بتختاره بمزاجك بتختار تدي لمين تركيزك
واهتمامك ووقتك، الإنصات غالبًا بيكون مقصود
وبرغبة مننا تتعلق بقيمة الحاجة أو الشخص اللي بنُنصت ليه.
خليني بقى أفاجأك وأقولك إن العلاقة مع ربنا كمان
إحنا بنختار نُنصتلها أو لا،
بنختار نلتفت ليه وندي اهتمام لكلامه لينا
من خلال الإنجيل ومن خلال حتى المواقف
اللي بتحصلنا في حياتنا اللي لما بنتأمل فيها
نقدر نفهم شوية إيه اللي ربنا عايز يعلمهولنا
في الموقف ده.
وإنت بقى بتسمع ولا بتُنصت؟ 🙂